1. Юмыг багласан, хүлсэн зүйл: хүлээсийг нь тайлах (баглаж уясныг нь суллах, алдруулах) - Богочоо хүлээсийг нь тайлан, босгож гэнэ дээ, хөөрхий, болгоож нягтлан үзсэнээ, хөдөлж гэнэ дээ, замдаа. С.Дашдооров. Өнчин цагаан ботго., хүлээсийг нь чангалах (хүлж багласныг нь чангалах), гарын хүлээс (гарыг нь хүлсэн, багласан юм) - Өрөөсөн гараа хүлээснээс хүчлэн мултлаад нөгөө гараа түвэггүй суллав. Б.Чойндон. Галбын говьд., баглаас хүлээс [хоршоо] (баглаж хүлсэн юм), хүлээс тушаа [хоршоо] (амьтныг хүлэх, туших юм);

---

2. [шилжсэн] Автагдсан эрхшээл нөлөө, дарамт: дарлал мөлжлийн хүлээс (хүнийг эрх чөлөөгүйгээр боолчлох хатуу дэг журам) - Хошууны ноён ба тамгын түшмэдтэй тэмцэлдэн өдий төдий банз шаахай, дөнгө гинжийг үзэж түүний хүлээсэнд нэгэн насыг өнгөртөл нэрвэгдэв. С.Буяннэмэх. Түүвэр зохиол., мухар сүсгийн хүлээс (мухар сүсгийн нөлөө) - Мухар сүсгийн хүлээс, мунхруу тааврынхаа гашууныг ийн амсжээ. З.Баттулга. Уяхан замбуутив., сэтгэлийн хүлээс (сэтгэлийн зовлон, дарамт).