1. Нохой, чоно, үнэг, хярс зэрэг амьтны хав хав гэж дуугарах: боорлон хуцах (нохой, амьтныг хоргоон хуцах) - Балжид эмгэний давхидаг халтар нохой ам хамхилгүй боорлон хуцаж, ирсэн хүмүүсийг хоргооно. П.Хорлоо. Багш., гааран хуцах (улам давран хуцах), гаслан хуцах (нохойн зодуулж, шаналснаас болж ган ган хуцах), гиншин хуцах (аман дотроо сулхан хуцах), гэнгэнэн хуцах (зөөлөн дорой дуугаар үргэлжлэн хуцах), нохой хуцах (нохой хав хав гэж дуугарах) - Байз нохой юунд хуцав? гэж гарахад, хоёр морьтой хүн урагшаа өнгөрлөө, гоёсон улс явах юм, өнөө угтах улс нь юм бол уу. С.Удвал. Их хувь заяа., улин хуцах (нохой зэрэг амьтан удаанаар гэнгэнэн хуцах), улин хуцах нохойн аюул, уйлан хэлэх эхнэрийн аюул [зүйр цэцэн үг] (эмэгтэй хүний эрх танхи нь хэтэрвэл хэцүү гэсэн санаа);