1. Ном бичиг зэргийг сийрүүлэн буулгаж бичих, зурах - Урьд хэвлэлийн ажлыг нэг их төсөөлөхгүй тул зөвхөн ном дэвтэр хуулан бичих эсвэл модон болоод чулуун бараар барлах тухай бодож явжээ. Л.Түдэв. Алтан гадас чигийг заана., хуулан бичих (а. Сийрүүлэн буулгах - Базарт явуулах захиа бүрийгээ хэд дахин хуулж бичдэгийгээ хүртэл хэлэв. Д.Цэдэв. Айргийн амт; б. [шилжсэн] Будаа идэх, хүний бичсэнийг нууцаар бичих - Нэгэн удаа багш нь бусдаасаа хуулдаг гэсэн сэжигтэй нэгэн хөвгүүнийг ихэд зэмлэв. "Цог”сэтгүүл), хуулж хувилах (яг адилхан бичих) - Харин насан өтлөх үедээ нутаг газраа бараадан ирээд хятад төвөдийн нэрт судруудын монгол хөрвүүлгийг засан нягталж хуулан хувилна. З.Баттулга. Уяхан замбуутив., бичиг хуулах (бичигт ямар нэг засвар хийхгүйгээр байгаа хэвээр нь сийрүүлэн бичих), данс хуулах (данс дахин бичих) - Би ч бас зүгээр байсангүй хоршоонд очиж данс хуулж өгөх, бичиг зөөх зэрэг ажил хийж хэдэн төгрөг олж... С.Удвал. Та бид уулзана., зураг хуулах (зураг харж зурах), дэвтэр дээр хуулах (тухайн зүйлийг дэвтэр дээр сийрүүлэн бичих) - Май үүн дээр бич. Би хариад өөр дэвтэр дээр хуулаад авна гэж над руу сарвайв. Л.Дашням. Бурхантын цэцэг;

---

2. Юмыг дуурайлгаж хийх: хуулж зурах (дуурайлгаж зурах).