Ан гөрөө, мал адгуусны арьс, өвс ургамлын хальс зэргийг өвчих, татаж салгах: арьсыг нь хуулах (а. Мал адгуусны арьсыг нь өвчиж авах - Тэгтэл хөсөгт явсан нэг үхэр үхлээ гэж дуулдахад, Магсаржав хөлдөхөөс нь өмнө арьсыг нь хуулан авч, гуталдаа бариад боо гэв. С.Удвал. Их хувь заяа; б. [шилжсэн] Зодох жанчих), модны холтос хуулах (модны холтсыг салгаж авах), хальсыг нь хуулах (хальснаас нь салгах) - Гүндэгмаа ширээний хажууд сууж, шаазан дийзнээс бэрсүүт жүрж авч, хальсыг нь хуулан идэв. Л.Дашням. Бурхантын цэцэг;

---

2. Аливаа юмны бүтээлэг, бүрхүүл зэргийг сөхөх, салгаж авах: дээлийн өнгө хуулах (дээлийн өнгийг салгаж авах), хөрс хуулах (газрын хөрсний өнгөн хэсгийг авах) - Сая сая метр хөрс хуулан хаяж, элс шороо малтаж байсан цаг саяхан мэт ажээ. М.Чойжил. Андын нутаг алсдахгүй., хучлага хуулах (юмны хучлагыг хуу татах, авах), хуулах шаалах [хоршоо] (оёсон наасан зэрэг зүйлийг ховх татах), *багийг нь хуулах (үнэн дүрийг нь илчлэх, далд санааг санааг нь илчлэх).