Нэгмөсөн, дуустал, бүгдийг нь: хуу барах (бүгдийг дуусгах), хуу хамах (бүгдийг хамах) - Отгоныг золтой л хуу хамаад явчихсангүй бөгөөд хав харанхуй байлаа. Л.Содов. Хаврын нар., хуу хураах (нэгмөсөн, бүгдийг хураан авах) - Хамаг хөрөнгө малыг нь хуу хураасан гэнэ. Ц.Уламбаяр. Зовлон жаргал., хуу шавхах (эд зүйлийг дуустал шавхах) - Бөөн бөөнөөрөө давхилдан хөхүүртэй айраг, савтай архийг нь хуу шавхаж ихэнх нь халамцаж дуу шуу нь улам ихсэж явдаг болов. Ц.Уламбаяр. Зовлон жаргал., хуу шавхуурдах (бүх хүн, амьтныг шавхуурдах) - Жамба мээрэн урт нарийн бургасаар хүүхдүүдийг хуу шавхуурдан, байшинд хөөж оруулав. Ц.Уламбаяр. Зовлон жаргал.