1. Горилсон хүсэл: хутаг гуйх (хишиг буяныг хүсэж аврал эрэх, залбирах) - Хутаг гуйн залбирахын орныг, хоёр бодь сэтгэлтэй төгс нь сайн. Д.Равжаа. Зохиолын эмхэтгэл., хутаг орших (хүсэж мөрөөдөж байсан зүйл нь биелэх) - Насан хутаг орших үед нь хүртэл чихэнд нь ая дуу нь хангинах шиг санагдуулж байсан гэдэг. С.Удвал. Их хувь заяа;
2. Хувь зохиол, буяны хувь, хишиг буян:
хутаг олох (а. Хувь зохиол олох, их буянтан болж, зол жаргалыг эдлэх
- Ловон лам, Болдын авгайн нүглийг арилгаж, бурхны хутгийг олоход дөхөм болгож, замыг засаж өгнө гэж сан тавьж, угаал үйлддэг байв. Ц.Дамдинсүрэн. Гологдсон хүүхэн; б. [шилжсэн] Олиг өвчин олох),
хутаг сайтай (хувь зохиол, хишиг буян сайтай),
насан хутаг [хоршоо] (өндөр нас болоод буян жаргал),
насан хутаг урт (өндөр нас),
өлзий хутаг [хоршоо] (сайны хувь, хишиг хувь),
хутаг мөр [хоршоо] (бурхан болох буяны мөр).