1. Хурц тонгоргоор үс, сахал зэргийг үлдэгдэлгүй авах: сахлаа хусах (сахлаа тонгорог зэрэг хэрэгслээр үлдээлгүй авах) - Иймээс хэрэв та явбал сахлаа хусаж, энэ хүрээний том ламын торгон дээл өмсөж, зүсээ хувилгавал зохино. Н.Батбаяр. Өндөрт хатгасан туг., үсийг нь хусах (үсийг нь тонгорог зэргээр үлдээлгүй авах) - Нэг орос цэрэг сахал авдаг тонгоргоор түүний гэзгийг хусаж авав. Ж.Пүрэв. Гурван зангилаа;

---

2. Хальс дурс болон наалдсан, илүүдсэн зүйлийг ховхлон авах, салгах, арилгах: хусаж арилгах (малтаж, ховхолж авах) - Энд тэнд дусаад хатчихсан чийгтэй будгийг, шилний өөдсөөр хусаж арилгаад будав. Л.Түдэв. Уулын үер., морины хөлс хусах (морины хөлсийг хусуураар арилгах) - Манай хэд биеэс буусан сагагийн хөлсийг хусаагүй морь шивэртүүлдэг юм гэж хэлээд сагагийн хөлсийг хусав. Д.Цэдэв. Айргийн амт., тогоо хусах (тогоонд наалдсан зүйлийг, хусуураар малтах), хальсыг нь хусах (хальсыг нь цэвэрлэх), хүрзээр хусах (ямар нэг зүйлийг хүрзээр ховхлох) - Байшингийн чулуун хана түшүүлж тавьсан модон хүрзээр хусаж гадагш гарлаа. Д.Мягмар. Уянгын туужууд., муу нэрийг хусавч арилдаггүй, сайн нэрийг хүсэвч олдоггүй [зүйр цэцэн үг] (муу нэрээс салахад хэцүү, сайн нэрийг олоход бэрх гэсэн санаа);

---

3. Сав суулгад хийсэн үр тариа зэрэг үйрмэг юмыг яндаж тэгшлэн хэмжих: шанаганд хийсэн будааг хусах (шанагатай будааг амсартай нь тэнцүүлж тэгшлэн хэмжих);

---

4. Хоосортол талах, хонжин мөлжих: голомтыг нь хусах (айлын эд хөрөнгийг хоослох, хонжин мөлжих), хөрөнгөө хусах (хөрөнгөө үрэн таран хийх);

---

5. Идэж уусан зүйл эвгүйдэж, ходоод гашуу оргин дотор зурж өвдөх: чээж хусах (чээж гашуу оргих), шар хусах (а. Ходоод гашуу оргих; б. [шилжсэн] Уур омог хүрэх);

---

6. Барилдаж байгаа бөхийнхөө хөлийг хөндлөнгөөс нь маш доогуур хавсран унагах мэх: ганцхан хусаад унагах (ганцхан хавсраад унагах);

---

7. [шилжсэн] Данс, тэмдэглэлээс хасаж гаргах: огцруулах: албан тушаалаас нь хусах (албан тушаалаас нь огцруулах), нэрийг нь хусах (нэрийг нь хасах), данс хусах (данснаас гаргах, хасах).