Нүдэнд үл өртөх бичил биетэн - Лав агшин зуур чандрууны хумхи болох байжээ. Б.Ринчен. Сандо амбан., хумхийн тоос (нарны гэрлийн туяанд үзэгдэх, агаарт дэгдэж байгаа нарийн тоос) - Хан төрийн үед босгогдсон, их бунхнуудын мөрөн дээр, таван мянган жилийн хумхийн тоос хурсан гэж бодоход хүрэв. Д.Маам. Тэмээний дууль., нарийн хумхи (маш жижиг, нүдэнд үл үзэгдэм наанги тоос шороо), хумхийн наанги шороо (маш нарийн тоос шороо), давсхаг хумхи (гуулийг хайлуулан цутгахад хэрэглэх бодис), хумхи бохио [амьтан] (нугасныхан овгийн нэгэн төрөл шувуу), алтан хумхи [ургамал] (ороомог цэцгийн адил хэлтэс дан, өнгө улбалзан нүд эрээлжлүүлдэг нэг зүйл цэцэг).