Эргэн мушгирч, хоролзон нөөлгөлөх салхи: хуй салхи (а. Хэсэгхэн газрыг хамран эрчилсэн, агаарын хуйлрал) - Хуй салхи хуйлруулан босгоод явав. Б.Бааст. Алтайн цэцэг., хуй босох ~ хуй дэгдэх (хуй салхи хөдлөх), усан хуй (а. Ус бороо бүхий агаарын хуйлрал; б. Тэнгис далайн гадаргын агаарын хуйлрал, давалгаа) - Усан хуй үе үе дайран, хушуурсан хоньд хуйлран байв. С.Дашдооров. Говийн өндөр., цасан хуй (цас бүхий агаарын хүчтэй хуйлрал) - Огторгуйн гүнээс малгайлан буух цасан ширхэгийг хүйтэн салхин газарт унагалгүй шүүрдэн дэгдээж цасан хуй босгоно. Д.Цэдэв. Айргийн амт., элсэн хуй (элс хуйлран босох), хуй хуй [хоршоо] (салхи), *хуй салхи шиг (маш хурдан) - Олон дайсны суманд оногдолгүй, хуй салхи шиг хурдан давхиж байжээ. Н.Батбаяр. Өндөрт хатгасан туг., *хуй татуулах (маш хурдан явах).