1. Урьдахаас өөрчлөгдөн хувирах, ондоо болох: хувьсан хөгжих (урьдын байдлаас өөрчлөгдөн хөгжих, дэгжих) - Олон он өнгөрч, улс эх орон, дэлхий дахин хувьсаж хөгжлөө. Ж.Дамдин. Миний монгол., ажил явдал нь хувьсах (үйл хэрэг нь өөрчлөгдөх), зан ааш нь хувьсах (зан ааш нь өөрчлөгдөх), санаа хувьсах (санаа нь өөр болох) - Гүн Бавуужав санаа хувьсч Егзөр хутагтын газар хадгалагдан буй зэвсгийг булаан авч ээ. С.Удвал. Их хувь заяа., цаг төрийн байдал хувьсах (цаг төр үймэх, нөхцөл байдал өөрчлөгдөн хувирах), царай нь хувьсах (царай нь хувирч өөрчлөгдөх) - Царай нь хоромхноо хувьсан барайж, нүүрнийх нь арьс тун сүртэй ятав татав хийн байв. Д.Маам. Тэмээний дууль., хувьсах багтаамж (хүчдэлээс хамаарч багтаамж нь өөрчлөгддөг хуримтлуур), хувьсах хөдөлгөөн (хурдацынх нь чиглэл ба хэмжээ нь хугацаагаа даган хувьсдаг хөдөлгөөн), хувьсах од (гэрэлтэх нь хувьсах онцлогтой од);

---

2. Орчин тойрны хувиралтаас болж амьд бодисын чанар өөрчлөгдөх: хувьсах чанар (амьд бодисын шинэ нөхцөлд дасан зохицож чадах өвөрмөц чанар).