1. Хувцсаа өмсөх - Та хоёр юу гэж явна? гээд Эрдэнэ орноосоо өндийж хувцаслав. С.Лочин. Сэтгэлийн өнгө., түргэн хувцаслах (хувцсаа хурдан өмсөх) - Түргэн хувцаслаж, захиргааны гэрт очоод сумын зарлагыг дуудан Хүрлээгийн бичсэн захиаг өвөртлүүлжээ. П.Хорлоо. Багш., хөнгөн хувцаслах (нимгэн хувцас өмсөх) - Намрын сэрүүн орой хүүхний бие хөнгөн хувцаслаж, гарсан учир даармаар болжээ. Ч.Ойдов. Их жанжин Сүхбаатар танаа;

---

2. Хувцас өмсгөх: хүүхдээ хувцаслах (хүүхдэдээ хувцас өмсгөх);

---

3. Өмсөх хувцастай болгох, хувцас хийж өгөх - Ээж маань самбаа завдаандаа энэ тэрийн үйл оёж, хувцасны хуучин шинэ сэлбээсээр хүүхэд биднийгээ хувцаслав. Ц.Дамдинсүрэн. Мандах нартай үлгэрлэе.