1. Юмны чанар, хэлбэр байдал өөр болох, аяндаа хувьсах - өнгө зүс нь хувирах (дүр төрх, зүс царай нь аяндаа өөр болох, өөрчлөгдөх), чанар нь хувирах (юмны чанар өөр болох) - Буянцай идрийн золбоо, төрөлхийн сэргэлэн чанараа алдсаар уруу царайтай, гөлийсөн маанаг амьтан болж хувирав. Б.Нямаа. Арандалынхан;

---

2. Хүн, амьтны ааш араншин өөрчлөгдөх: зан авир нь хувирах (зан ааш нь өөрчлөгдөх) - Наймааны хятадууд хүртэл зан авир нь хувирч загнаж аашлах нь их боллоо. С.Удвал. Их хувь заяа., сэтгэл хувирах (санаа сэтгэл нь өөрчлөгдөх) - Тийм амархан хөндийрч чадахгүй гэж бодоод, санаандгүй байтал сэтгэл хувирахаар нь аянганд ниргүүлсэн мэт алмайран бачимдаж, аль болох болохгүй аргаар тогтооё гэж боджээ. С.Эрдэнэ. Хонгорзул., царай нь хувирах (сэтгэл хөдлөлөөс болж хүний царайны байдал өөр болох) - Итгэлт Долгорын үхсэнийг сонсоод царай нь барзайн хувирснаа, өөрийн биш зэвхий дуугаар ийн асуув: Ч.Лодойдамба. Тунгалаг Тамир;

---

3. Юмны байдал өөрчлөгдөх: цагийн байдал хувирах (тухайн үеийн нийгмийн нөхцөл байдал өөрчлөгдөх);

---

4. Цаг агаар өөр болох: тэнгэрийн байдал хувирах (тэнгэрийн байдал өөрчлөгдөх).