1. Юмыг хувааж салгасан хувь: ажлын хуваарь (ажлыг ямар хүн хүчээр, хэдий хугацаанд, хэрхэн хийж гүйцэтгэхээр төлөвлөсөн төлөвлөгөө) - Гэвч ажлын энэ хуваариас болж Цамбын даалуу тоглох нь хасагдаж анхандаа дургүй шиг байснаа сүүлдээ үг хэл гаргахгүй болжээ. Л.Түдэв. Нүүдэл., орлого зарлагын хуваарь (орлого зарлагын зөрүүг илэрхийлсэн зүйл), хичээлийн хуваарь (хэдэн цагт ямар хичээл орохыг гаргасан хүснэгт) - Энэ бүхэн сургуультайгаа танилцсан маргаашийнхаа хичээлийн хуваарийг бичиж авсан хойно захирал ч юм уу хуучин ахмад багш нарын хэн нэг нь ороод ирэхгүй болсон хойно эхэлсэн нь яамай шүү дээ. Л.Дашням. Бурхантын цэцэг., цагийн хуваарь (а. Хэдэн цагт юу хийхийг төлөвлөн зохиосон төлөвлөгөө; б. Цагийн доторх минут, секундийн хувь зураас) - Энэ хүүхдүүд өглөө ирээд тоглож зугаацан, цагийн хуваариар хооллоно. М.Чойжил. Андын нутаг алсдахгүй., цагийн хуваарийг хатуу баримтлах (цагаар төлөвлөсөн ажлаа яг цагийн дагуу үйлдэх);

---

2. Бутархай илэрхийллийн хуваагч хэсэг: хуваарь нэгтгэх (ижил хуваарьтай болгох);

---

3. Хэмжилтийн багаж дээрх хэм хэмжээг илэрхийлэх хэрчлээс зурааснууд;

---

4. [шилжсэн] Томилолт: дадлагын хуваарь (дадлагын ажлын томилолт) - Би сургуулиар орж, дадлагынхаа хуваарийг солиулчихаад явж байлаа. Л.Дашням. Бурхантын цэцэг., их сургуулийн хуваарь (их сургуульд элсэх орон тоо) - Дараа нь дээд сургуулийн хуваарь бараг олдохгүйд хүрч, ээж аав зэрэг зэрэг гүйж байж инженерийн ангид уралдаант шалгалт өгөх хуваарьтай болсон. С.Лочин. Газрын дуун.