Хамтран хуваах: хуваалцаж идэх (хамтран хувааж идэх), бодлоо хуваалцах (бодож санан буй зүйлээ ярьж бусадтай зөвлөлдөх) - Да ноён өөрийн бодлыг хуваалцах гэж, энэ орой болсон хойно хотын нохой хуцуулан, ганц бараа бологчтой ирээгүй нь лав. С.Удвал. Их хувь заяа., зовлон жаргалаа хуваалцах (зовлон жаргалаа бусадтай хуваах) - Төрсөн үрээ Чойжил гэж нэрлээд, жаргал зовлонгоо хуваалцах үртэй болсондоо, Чойжням эхийн сэтгэл баяраар бялхав. Г.Жамьян. Гал атгасан гар., сэтгэлээ хуваалцах (бусдад санаа бодлоо ярьж сэтгэл санааны дэмжлэг авах) - Миний багадаа уншиж, шөнө хүртэл унтаж чадахгүй зүүдлэн ярьж, сэрүүн байхдаа сэтгэлээ хуваалцан бахархан ярих хүүхдүүд ирэн гэртээ тогтохгүй гүйдэг байсан. Л.Дашням. Бурхантын цэцэг., уй гашуу хуваалцах (бусдын уй гашуутай байх үед хамт байж сэтгэл санааны дэмжлэг үзүүлэх) - Тэдний уй гашууг хуваалцан, энд болсон эмгэнэлт явдлыг сонссон билээ. Ж.Дамдин. Үймээний жил.