1. Юмыг далдлах, салхи жавар зэргийг хаахаар хийсэн халхавч: хөшиг татах (юмны урдуур халхлах юм татах), бурхны хөшиг (бурхны өмнүүр халхлах халхавч), гэрийн хөшиг (гэрийн дотуур татах халхавч), орны хөшиг (орны урдуур татах халхавч), утаан хөшиг (ялаа, шумуулаас хамгаалах зэрэгт их утаа май тавих нь), хөшиг лавир [хоршоо] (хаалт халхавч) - Шар магнаг хөшиг лавирыг нь татжээ. Халх ардын тууль., хөшиг манжлага [хоршоо] (өргөө гэр, ор дэр зэрэг эд зүйлийн гоёлын халхавч) - Зуун зүйлийн хөшиг манжлага, дээл хувцас өргөөний гадар дотрыг бэлдээд Оросын олон урчуудыг зарна. В.Инжаннаши. Хөх судар., *хөшигний ард байх (өөрийн үнэн санаагаа нуух, далд байх);

---

2. Театрын тайзны өмнүүр татсан халхавч - Төдхөн их танхимын гэрэл бүдгэрсээр унтарч хүрэн хилэн хөшиг нээгдэн тоглолт эхэллээ. С.Лочин. Сэтгэлийн өнгө., хөшиг хаах (хөшгөөр халхлах), хөшиг нээх (халхалсан хөшгийг нээх, тайзыг ил болгох), хөшгөн ургамал (уриншилсан талбайд цас тогтоох, хөрсийг нь салхинд хийсэхээс хамгаалахын тулд тарьдаг наранцэцэг, гич, эрдэнэ шиш зэрэг ургамал), хөшгөн уринш (хөшгөн ургамал тариалсан талбай).