1. Ачиж, тээж яваа юмны жинг багасгаж хөнгөн болгох: ачаа хөнгөлөх (ачиж яваа ачаа бараанаас хасаж хөнгөн болгох), гэр хөнгөлөх (гэрийн дулаалгыг нь авч дан болгох);
2. Олон давхар өмссөн хувцсыг тайлж нимгэлэх:
хувцсаа хөнгөлөх (хувцсаа нимгэлэх) -
Хүмүүс хүйтэн дулааны хувцсаа хөнгөлж, хүүхдүүд гадаа гудамжид шуугилдан тоглоно. С.Лочин. Сэтгэлийн өнгө;
3. Хүний алба ажлын ачааллыг багасгах:
ажил хөнгөлөх (а. Ажлын ачааллыг багасгах; б. Ажил алба явуулахад нөхцөл боломжийг бүрдүүлэх);
4. Ял шийтгэлийн хэмжээг хорогдуулах, зөөлрүүлэх:
ял хөнгөлөх (ялын хэмжээг багасгах, зөөлрүүлэх)
- Хуулийн хатуу ялаас хөнгөлж чамайг өршөөнө. Ч.Лхамсүрэн. Мамий Жукей хоёр.,
хөнгөлөх хүндэтгэх [хоршоо] (тухайн хүний нэр хүнд, байгуулсан гавьяаг нь үнэлж хийсэн гэмийг нь уучлах, ял шийтгэлийг нь багасгах)
- Боорч яаран өгүүлрүүн: Тийм болбоос цаазад хөнгөлөх хүндэтгэх өршөөл бий. Хүнд эндэгдэх алдагдах явдал бий. Жонон үзэж алахыг уучлан амийг хэлтрүүлэх болов уу хэмээв. В.Инжаннаши. Хөх судар;
5. [шилжсэн] Хүн, амьтныг зүй ёсоор тоомсорлохгүй хөнгөнд үзэх.