1. Бичсэн, зурсан, хальсанд буулгасан зураг зэргийн зүйл тод биш болох, арилах, бүдгэрэх: балрах шинжгүй (арилах янзгүй), балран алга болох (арилах);

---

2. Ул мөр, тэмдэг арилах - Ангийн жим, балран алга болж, торлог үргэлжлэв. Б.Нямаа. Арандалынхан;

---

3. Өнгөрснийг санахгүй байх, бүүр түүр санах: дурсамж балрах (урьдын болсон зүйлээ санахгүй байх);

---

4. Бие муудаж дотор харанхуйлах: дотор балрах (бие эвгүйрхэх), бага уувал бал, балартал уувал мал [зүйр цэцэн үг] (сархдыг тааруулж хүртэхийг сургамжилсан хэллэг);

---

5. Байсан юм үгүй болох, устах: сүмийн туурь балрах (сүмийн туурь байгаагүй юм шиг алга болох), үндэсгүй балрах (үндсээрээ сөнөх), оргүй балрах (мөргүй устах, арилах);

---

6. [шилжсэн] Ажил хэрэг амжилтгүй болох, бүтэлгүйтэх: нэг мөсөн балрах (нэг мөсөн сүйрэх) - Ёстой хөгөө хойд хөлдөө чирч, нэг мөсөн баларна гээч нь энэ болж байна хэмээн Дэлэг бодож явлаа. Л.Чойжилсүрэн. Өвсний шүүдэр.