Хүйтний улиралд мал хашихад зориулсан чулуу, мод зэргээр хийсэн хашаа: малын хороо (малын саравчгүй хашаа), хашаа хороо [хоршоо] (а. Малыг байгалийн элдэв үзэгдлээс хамгаалах зориулалтай хүрээлэн босгосон юм; б. Хүмүүсийн амьдран суух хүрээ) - Наран шингэснээс хойхно би өргөө сан дээрээс Пэрэнлэй гуайнхыг зорьж ирвээс тэдний хашаа хороо урьд адил цэмцгэр. Ж.Дамдин. Үймээний жил., хот хороо [хоршоо] (хамтын хөдөлмөрөө нэгтгэн хэд хэдээрээ аж төрөх айл өрх болон тэдгээрийн үхэр малын хашаа хороо), хүрээ хороо [хоршоо] (хашаалсан, тойруулан барьсан юм) - Бурхан халдуны уул ус, тал бэлчээр, хороо хүрээ, буудал нүүдэл, цэрэг хуяг, морь агт, адуу мал, сан хөмрөгийг тойруулан үзүүлэв. В.Инжаннаши. Хөх судар., үүр хороо [хоршоо] (амьтны ил орогнох газар), *нохойн хороо (эмх замбараагүй, хог новш ихтэй байдал).