1. Хотгор, гүнзгий тийшээ болсон, юмны доош цөмөрсөн байдал - Голдоо хонхор том хавтгай чулуун цар дээр будаагаа хийв. Ж.Дамдин. Үймээний жил., алганы хонхор (алганы дотор тал), тахимын хонхор (тахимын хотгор хэсэг), хонхор ёнхор [хоршоо] (юмны доош цөмөрсөн, хотойсон байдал), хүнхэр хонхор [хоршоо] (юмны доош хотойсон байдал);

---

2. Нам дор, далайн түвшнээс дээш хоёр зуун метрээс өндөргүй газар - Морьтон олон нэгэн их хонхорт эхлээд морьтойгоо дараа нь явган гардан байлдаанд орлоо. С.Удвал. Их хувь заяа., хонхор газар (нам дор газар), хонхор хотгор [хоршоо] (юмны хотойж хонхойсон байдал) - Үдэш эхэлсэн бороо үүрээр намдаж өглөө болоход чийг үнэртэж хонхор хотгорт шалбааг ус тогтжээ. С.Лочин. Сэтгэлийн өнгө., хонхор цонхор [хоршоо] (хонхор, хотгор) - Энд тэндгүй хонхор цонхорт тогтсон борооны ус, шавар, шалбааг харагдана. Ж.Бямбаа. Их аяныхан.