Адууны хатсан баас - Гурав хоногийн өмнө тал байсан нь унаганых шиг хэдэн талт бүв бүтэн хомоол болжээ. Д.Цэдэв. Айргийн амт., хар хомоол (нар салхинд сайтар хатсан, түлэхэд тохиромжтой хомоол), хөх хомоол (нар салхинд удаж өгөршсөн хомоол) - Дэжид хүүтэйгээ зөрөн орж ирээд түрүүчийн сууж байсан газраа суун зуухны амыг тар хийтэл онгойлгоод аргалын дөрвөлжнөөс хатсан хөх хомоол авч зуухны ам руу чулуудав. Д.Батбаяр. Цахилж яваа гөрөөс., дааган хомоол (хялгасаар холбогдсон хоёр хомоол), аргал хомоол [хоршоо] (түлшинд хэрэглэх адуу, үхрийн хатсан баас) - Аргал хомоолыг зэрэглэн, хэтээ цохин уулыг асааж гал ноцооход гал асаж тогоон дахь хөвсгөр цас төдөлгүй хайлж дахин цас хормойлон ирж тогоонд хийв. Ш.Нацагдорж. Мандхай цэцэн хатан., *хомоол дээр гарсан бор бялзуухай (ялихгүй атлаа дээгүүр санаат хүн), *хомоол хамах (уралдсан морь сүүлдэж ирэх) - Дургүйд хүчгүй гэгчээр хүн албадаж сохор зоосны үнэгүй уяулсан морьд хомоол хамахаас өөр яах билээ. Ч.Лодойдамба. Тунгалаг Тамир.