1. Цэцгийн шүүсээр зөгийн боловсруулах чихэр амттай өтгөн зүйл: зөгийн бал (зөгийн боловсруулсан чихэрлэг, өтгөн зүйл) - Зөгийн бал хураавал бал нь амттай. Д.Равжаа. Зохиолын эмхэтгэл., цэцгийн бал (цэцгийн шүүсээр зөгийн боловсруулсан амтат бал);

---

2. Амтлаг амт: бал бурам [хоршоо] (чихэрлэг, амтат идээ) - Бага багаар амсахад бал бурмын амттай. Арван гурван хүлгийн дуун., бал идээ [хоршоо] (амтат идээ) - Умд үгүйд тараг уулгасан бал идээт мину. Богд Чингисийн магтан сургасан шастир., бал сар (а. Сүүн сар; б. [шилжсэн] Хуримын өдрөөс эхлэн хамтдаа байх нэг сарын хугацаа), *бал үмхүүлэх (яльгүй юмаар баярлуулах), *бал хоншоорлох (сайхан үг хэлэх), бал үзвэл будаагаа хаях, баяныг үзвэл үгээгүйгээ хаях [зүйр цэцэн үг] (шинийг үзвэл хуучнаа голох, урваж шарвах).