1. Юмыг тойруулан хүрээ хашаа барих: худаг хаших (худаг тойруулан хүрээлэх) - Худгийг гурван янзаар хашдаг байна. Ж.Самбуу. Мал маллагааны арга туршлага., эзэн нь юмаа мэддэг, эрэг нь усаа хашдаг [зүйр цэцэн үг] (эзэн хүн юмаа яахаа мэднэ гэсэн санаа);

---

2. Хашаанд оруулж хорих: хурга хаших (хурга хашаанд хорих);

---

3. [шилжсэн] Тал бүрээс нь хоргоон хорьж тогтоох - Нэг өдөр хэсэг уургачид хэдэн талаас хашиж байгаад барьж авав. С.Эрдэнэ. Гал шарын унага., дундаа хаших (дундаа хоргоох), сул морийг олон хүн хашиж байгаад барьж авав (сул морийг олон хүн тал бүрээс нь хоргоож байгаад барьж авав), гэрт нь хаших (гэрт нь байлгах);

---

4. Тал бүрээр нь хүрээлэх - Халуун нар зулай төөнөж эхлэхэд голын эргийг хашсан цавчим хадан хясаа, ногоон титэмт нарсан ой, навч нахиагаа жирвэгнүүлэн шуугих бургас модны дундуур хоёр хоногийн турш хөвөв. Д.Мягмар. Газар бид хоёр;

---

5. [шилжсэн] Ажил алба эрхлэх, хаах - Чи цэргийн алба хашиж үзээгүй биз? Чамайг би Читэд хоёр удаа харснаа одоо санаж байна. Б.Ринчен. Сандо амбан., алба хаших (албан үүрэг гүйцэтгэх);

---

6. [шилжсэн] Шахах, хавчих: буланд хаших (буланд шахах), хаших хавчих [хоршоо] (а. Хоёр этгээдээс шахах; б. Булан тохойд түрэх);

---

7. [шилжсэн] Мах, сүүл зэргийг нимгэн өөлж огтлох: ууц хаших (ууцнаас харцага, хавирга, сүүлийг салган тавих).