Олон зүйл үзэж догь болсон нь, нягт нямбай, аливаа үйл явдалд туршлагатай: хашир малчин (мал маллах талаар арвин туршлагатай малчин) - Манай хашир малчид хазаар өвсийг шимт чанараар сайн ялангуяа, таван хошуу малын дотроос адууны хүч тарга авалтад онцгой сайн ургамал гэж үздэг. Ж.Самбуу. Мал маллагааны арга туршлага., хашир суух (туршлагатай, хянуур болох), хашир догь ~ хашир хэрсүү [хоршоо] (арвин туршлагатай, буурь суурьтай, нягт нямбай), *хашир хандгай (хашир, догь хүн) - Гэтэл хүмүүс гэр хагартал нирхийтэл хөхрөлдөж энд тэндээс –Ганц авхууллаа даа. –Хашир хандгай эндэх шиг байна гэж шуугилдав. С.Дашдооров. Говийн өндөр., залуу хүн гэнэн, өвгөн хүн хашир [зүйр цэцэн үг] (хүн нас ахих тусам нягт нямбай болдог гэсэн санаа).