1. Морь малын оёг, удаан - Аргамжаатай хашин хээр морио яаран эмээллэж хониныхоо хойноос давхилаа. Д.Мягмар. Уянгын туужууд., хашин моринд газар хол, харамч хүнд нөхөр цөөн [зүйр цэцэн үг] (хойрго хөшүүн хүнд ажил хийх хэцүү гэсэн санаа);

---

2. Залхуу, хойрго: хашин морь (хойрго морь) - Хээрийн нэг агт морь жороогүй хашин болбол хэдий сайн боловч үнэ үл олох. Субашид., хашин хойрго [хоршоо] (залхуу хөшүүн), хашин мохдог [хоршоо] (залхуу, амархан шантрамтгай), идэхдээ эр бар, хийхдээ хашин бух [зүйр цэцэн үг] (ажил хийх нь идэхтэйгээ адилгүй залхуу гэсэн санаа), үхэр өтөлбөл хашин болдог, хүн өтөлбөл мунхаг болдог [зүйр цэцэн үг] (хүний өтөл нас, залуу настай адилгүй гэсэн санаа).