Өөрийн зүй бус хэргийг биелүүлэх, бүтээхийн тул албан тушаалтанд ил, далд өгөх мөнгө, эд юм - Улаан хадын яамны газар хахууль өгч хулгайн хэргийг намхруулж ер хулгай нарыг илгүйгээр болгон дуусав. Ардын заргын бичиг., хахууль идэх (хахуулийг хүлээн авах), хахууль өгөх (ажил хэргээ бүтээхийн тулд бусдад зүй бусаар ил далд юм өгөх), хахууль авахдаа дуртай түшмэл (ажил хэрэг бүтээж өгөхдөө эд юм авах сонирхолтой түшмэл), хахууль түлхэх (далдуур хахууль өгч, гэм зэмгүй царайлан суух), хээл хахууль [хоршоо] (ажил хэргээ бүтээхийн тулд бусдад зүй бусаар ил далд өгөх юм), бэлэг хахууль [хоршоо] (ажил хэргээ бүтээлгэхээр бусдад өгсөн бэлэг сэлт болон элдэв юм) - Харин баян худалдаачид ар газар худалдаа хийхийг сонирхож энэ хэрэгт туслахыг хүсэж надад бэлэг хахууль атгуулах гээд байдаг юм. Ш.Нацагдорж. Мандхай цэцэн хатан., хөлдүүг нохой мэрэх дуртай, хээл хахуульд ноёд дуртай [зүйр цэцэн үг] (ноёдын хахууль авдаг шунахай занг шүүмжилсэн нь).