1. Хариу хэлэх, хариулт өгөх - Гэвч эрт орой хэзээ боловч асуугдана гэдэгт итгэх тул тэр үед хариулах үгтэй байваас зохино гэсэн ганцхан зүйл тов тодорхой. Л.Түдэв. Хувьсгал танаа өчье., амаар хариулах (өөрийн амаар өгөх хариулт), бичгээр хариулах (цаасан дээр бичиж хариу өгөх), дурамжхан хариулах (дургүй янзтай хариу өгөх), зоригтой хариулах (айж ичилгүйгээр хариу өгөх), түгдэрч хариулах (бага зэрэг ээрч, гацаж хариу өгөх), цухалдангуй хариулах (бачимдсан байдалтай хариу өгөх), чээжээр хариулах (юм үзэж харалгүй, өөрийн бодлоор хариу өгөх), өндөр дуугаар хариулах (чанга дуугаар хариулт өгөх);

---

2. Тусалж дэмжсэний хариуг өгөх, ачлах, тус хүргэх - Чиний ачийг хариулах гэж аль хэдийн эрсээр бүлгээ. Чиний саяын хэлдэг сайн нөхөр гэдэг чинь хэн гэгч вэ? Б.Ян. Чингис хаан., эцэг эхийн ачийг хариулах (эцэг эхийн ачийг санан эргэж асрах, тэтгэх), нөхрийн тусыг хариулах (нөхрийн тусыг санаж эргэж тус хүргэх), ачийг бачаар хариулах (хүний ачийг умартах, үл ойшоох).