Өргөл, өглөг, нэмэр, тусламж болгон өгсөн юм: хандив хураах (өглөг цуглуулах), хандив өргөх (өргөл өгөх, нэмэрлэх); хандивын данс (хувь хүн, байгууллага, өргөн олонд хандаж тусламж дэмжлэг хүсэж банканд нээлгэсэн мөнгөний данс), хандивын сан (хувь хүн, байгууллага, улс оронд туслах зорилгоор цуглуулах мөнгөн хөрөнгөний хуримтлал), хандивын тоглолт (хувь хүн, байгууллагыг ивээн тэтгэж хөрөнгө мөнгө цуглуулах зорилго бүхий оролцогчид нь хөлс авдаггүй урлаг уран сайхны арга хэмжээ), өргөл хандив [хоршоо] (өргөсөн, өгсөн зүйл), нэмэр хандив [хоршоо] (ажил хэрэг, амьдралд нэмэр болох юм, тусламж болгон өгсөн юм), хандив тусламж [хоршоо] (сайн санаагаар үзүүлж буй эд мөнгө болоод сэтгэл санааны тус).