1. Зүглэх, чиглэх, нэгэн зүг рүү болох - Хүрээний зүг хандан зогссоноо биеийн чилээ гаргаад мориндоо мордож эгнээгээрээ явсаар Баянцогтын өртөөнд буужээ. С.Удвал. Их хувь заяа., дээш хандах (а. Дээшээ чиглэсэн байх; б. Төр засаг, эрх мэдэлтний сонорт хүргэх), доош хандах (а. Доошоо чиглэсэн байх; б. Өөрийн удирдлагад байх хүмүүст үүрэг даалгавар өгөх, халамж анхаарал тавих), нутгийн зүг хандах (нутгаа зүглэх, нутаг руугаа явах), бичгээр хандах (санаа бодлоо бичгээр уламжлах), залуучуудад хандах (залуучуудад зориулан, залуучуудыг онцгойлон харах), зарчимч байдлаар хандах (ажил хэргийн үүднээс хийх), шүүхэд хандах (шүүхэд очиж хэрэг заргаа нэг тийш болгуулах);

---

2. Эерэх, зөвших эс зөвших хандлага гаргах, таатай болон таагүй байдал үзүүлэх - Гэвч гэрийн эзэд бодож байснаас нь хавьгүй өөрөө хандаж, өрх голомтынхоо эзний зиндаанд байлгасан нь санамсаргүй хэрэг биш юм. Б.Нямаа. Арандалынхан., ариг гамтай хандах (ариг гамтай хэрэглэх), дайсагнан хандах (сэтгэл буруулан хандах), дуусах тийшээ хандах (дуусах дөхөх), зөвөөр хандах (эерэг хандлага гаргах), итгэл төгс хандах (үйл хэргийн үнэн зөвд бат итгэж хийх, найдвар дүүрэн харах), муугаар хандах (тааламжгүй байдлаар хүлээн авах), нухацтай хандах (ихэд буурь суурьтай хийх), хайр гамгүй хандах (хайр гамгүй эдлэх), хайхрамжгүй хандах (үл тоох), хянуур хандах (маш сэрэмж болгоомжтой хийх), эсрэг хандах (эс зөвших хандлага гаргах) - Ард түмний аж байдал буурснаар ардчиллын эсрэг хандах байдал буй болно. “Зууны мэдээ” сонин.