1. Төмөрлөг зүйлийг харшуулж дуугаргах: алх дөш хангинуулах (дарх хийх) - Алх дөш хоёроо олон хоногийн турш хангинуулан байж үйлдсэн байв. Д.Намдаг. Цаг төрийн үймээн., сав суулга хангинуулах (хоол унд хийдэг сав суулгаа харшуулан дуугаргах) - Тогоохүү тэр орой борц нүдэн хоол хийхээр орж гарч, сав суулга хангинуулж эхлэв. Д.Батбаяр. Цахилж яваа гөрөөс;

---

2. Хүн, амьтан нарийн жингэнэсэн хоолойгоор дуугарах, дуулах - Хошууны олон тамир гээд өндөр нам, нарийн бүдүүн хоолойгоор хангинуулах дуртай. Ч.Лодойдамба. Тунгалаг Тамир;

---

3. Дуу хөгжмийг чангаар дуугаргах, ихэд чангаар дуулах - Гадаа задгай гал дээр бага Данзан мах чанаж байгаа маягаар харуул манаанд гарч, Дугаржав би найрын сөн түшиж хэрэгтэй цаг болмогц уртын дуу хангинуулдаг сан. Л.Түдэв. Хувьсгал танаа өчье., хөгжим хангинуулах (хөгжим чангаар дуугаргах);

---

4. [шилжсэн] Өндөр дуугаар загнуулах, буруушаагдах: ээждээ хангинуулах (ээждээ загнуулах).