1. Уул нуруу, ой хөвч, гол мөрөн, мод ургамал сайтай, зөөлөн хар шороон хөрстэй нутаг - Хоёр хангайн нутаг хүрэнтэж бараантаж харагдана. Монгол ардын дуу., хангайн ургамал (зөвхөн хангайд ургадаг ургамал), хангай говь [хоршоо] (уул ус жигдэрсэн газар болон тал хээр бүхий элс зонхилох газар) - Хангай говийн хооронд халхын уудам нутаг, хар бага наснаас хөндлөн гулд давхисан газар. Д.Нацагдорж. Бүрэн түүвэр., хангай царам [хоршоо] (ой мод, гол горхи, өвс ургамал жигдэрч уул нуруу хосолсон газар болон уул хоорондын хөндий хоолой газар), хангай хөвч [хоршоо] (өндөр уул нуруу, гол горхи, ой мод жигдэрсэн газар), хангайн хар төмс [ургамал] (хад асга, ой шугуйгаар ургадаг ойм хэлбэртний ангид багтах нэг зүйл спорт ургамал);

---

2. Газар, дэлхий: хангай дэлхий [хоршоо] (газар дэлхий, уул ус) - Хан Хурмаст залрав уу, хангай дэлхий хилэгнэв үү. Халх ардын тууль., хангай шиг түшигтэй (нөмөр нөөлөг ихтэй, хайр халамж ихтэй), *хангай шиг (маш өндөр, том) - Миний хүү хангай шиг эр болтлоо эцгийн үгнээс гарахгүй өссөн. Д.Гармаа. Чонын үүр;

---

3. [цээр] Чоно - Хэдэн хонио хангайд өгчхөөд сууж байх юм даа. “Цог” сэтгүүл;

---

4. Янз бүр: элдэв хангайн юм ярьж хүний сэтгэх үймүүлэх (янз бүрийн юм ярьж хүний сэтгэл тавгүйтүүлэх, болсон болоогүй юм яриад, хэрэгтэй хэрэггүй юм яриад сэтгэл үймүүлэх), өнгийн хангайн юм (зүсэн зүйлийн юм, янз бүрийн юм).