1. Бие сэтгэл эгээрэл хүслийг хүрэлцтэл, дүүртэл олох, эдлэх - Тэгвэл хааны аль сайн хөлгөөс нэгийг унаад ханатлаа давхихгүй юу. Ш.Нацагдорж. Мандхай цэцэн хатан., бах ханах (а. Сэтгэл дүүрэн ханамжтай болох; б. Бусдын мууд сэтгэл ханах) - Маргаан зөрөөн дээр хар муйхар зангаа үзүүлж бах ханадаг Бархас зургаан тайган нохойгоо дагуулаад чоно намнахаар арилж өглөө. С.Эрдэнэ. Өгүүллэгүүд., бодол ханах (бодол эцэстээ тулах), сэтгэл ханах (санасан хүссэн зүйл ёсоор биелж, санаа сэтгэл тааламжтай болох), нойр ханах (сайтар унтаж амрах), сууж ханах (сууж гүйцэх, сууж залхах), хүсэл ханах (санасандаа хүрэх) - Ер далайнууд усаар үл ханах ихэс хаадын сан эрдэнээр үл ханах. Субашид., *ханаж цадахаа мэдэхгүй (маш их шуналтай), *шавай ханах (сэтгэл ханах, санасандаа хүрэх) - Хожим “Эх” гэдэг зохиол өгүүллийн түүврийг нь монгол хэлээр амтархан уншиж, улмаар тавиад оны үед гучин боть түүврийг нь орос хэлээр олж авч ганц шавай ханасан билээ. М.Цэдэндорж. Үг цөөн, утга өргөн;

---

2. Цангаа тайлагдах, ундаасал гарах - Газар хураар ундалж ханаад уухаа больсон юм, хангай дэлхийд илүүдсэн ус хатан Туулд минь түрэн орсон юм. Б.Явуухулан. Тэхийн зогсоол., ууж ханах (цангаа гарах), цайнд ханах (цай ууж болох), ханах цадах [хоршоо] (гүйцэд цадах);

---

3. Уусгагч бодис дээд хэмжээндээ хүрч цаашид уусахгүй болох: ханасан уусмал (ууссан бодис тунадасжиж эхлэх үеийн уусмалын төлөв байдал), ханасан уур (нэмж дулаан авах чадваргүй болсон уур);

---

4. [шилжсэн] Эргүүлэх юмны угтаа тултал гүйцэд эргэх: эргүүлж ханах (гүйцэд эргүүлэх, цаашид эргэх боломжгүй болох), эрэгдэж ханах (гүйцэд эрэгдэх, цаашид эргэх боломжгүй болох);

---

5. [шилжсэн] Арьс шир зэргийг сайтар элдэж боловсруулах: элдүүр ханах (а. Арьс шир зэргийг сайтар элдэж, нухаж боловсруулах; б. [шилжсэн] Ажилд нухлагдан сурч хатуужих - Эд нар чинь элдүүр нь ханах яагаа ч үгүй улс. Энэ хүнээс үлгэр ав. Ноднин намар төвөөс тэр олон зуу зуун оюутнууд ирж тариан дээр ажилласан. Л.Ванган. Урагшлах замд).