Асрамж, тэтгэмж, хайрлах сэтгэлээр үзүүлэх тус - Хээр халзанд шинэ эзний төрх байдал, үг дуу нэг л янзгүй байсан бөгөөд унаган цагаас арчлан бойжуулж нүдэнд дулаан биед нь таатай болсон угийн эздийн халамж даруйхан дутлаа. С.Эрдэнэ. Гал шарын унага., халамжийн төв (өнчин, тахир дутуу, өндөр настан зэрэг нийгмийн эмзэг бүлгийн иргэдийг төрөөс асран тэтгэх бодлого, үйл ажиллагааг хэрэгжүүлэх байгууллага), халамж асрамж [хоршоо] (хайр энэрэл үзүүлж туслах сэтгэл, асрах тэтгэх тус)-Хоорондоо тийм эв найртай, халамж асрамжтай байдаг. П.Лувсанцэрэн. Хөдөөгийн дуун., хайр халамж [хоршоо] (хайр энэрэл) - Эх хүн л үрдээ хайр халамж тавьдаг. Л.Содов. Хаврын нар., өршөөл халамж [хоршоо] (бусдад энэрэнгүй сэтгэлээр хандан асарч тэтгэх нь), халамж анхаарал [хоршоо] (дотно, найрсаг сэтгэлээр туслах, тэтгэн дэмжих).