1. Халуун болгох - Үзүүрт нь гал ноцсон модыг доош хандуулбал үтэр зуур тэр хүний гарыг халаах мэт. Субашид., хоол халаах (хоол халуун болгох), ус халаах (ус халуун болгох), *дотроо халаах (архи уух), *амаа халаах (ихэд ярих, чалчих); *пийшингээ халаах (архи ууж зориг орох) - Тэнд пийшингээ халааж аваад тэр дэрэмгэр цагаан залууг Дулмаатай хошуу холбоод киноноос гарах үед нь зүрхийг нь ганц атгана биз дээ. Д.Мягмар. Нийлэх замын уулзварт., *давирхай халаах (бусдыг хөөргөж цаашлуулах);

---

2. Ээх, дулаацуулах, бүлээсгэх: халаах ариутгал (хүнсний бүтээгдэхүүнийг бичил биетний тусламжтайгаар муудахаас хамгаалж дулаанаар боловсруулах ариутгал), халаах багаж (халуун болгох багаж), халаах бигнүүр (бүлээсгэх бигнүүр), халаах зуух (даралтаар боловсруулахын өмнө төмөрлөгийг халаадаг зуух), халаах хэрэгсэл (дулаан хангамжийн тогтолцооны дулаан зөөх биеэр үйлдвэр, нийгэм ахуй, орон сууцын барилгын өрөө тасалгааг халаах дулаан солилцооны аппарат);

---

3. [шилжсэн] Ичээх, улайлгах: *нүүр халаах (а. Ичээснээс болж нүүр ихэд улайж чинэрэх - Ингэж хөгөө чирснийг минь ярьж нүүр халаах вий гэж Доной зовж байлаа. С.Дашдэндэв. Луу; б. Бусдын тарьсан балагт явдлаас болж эвгүй байдалд орох).