1. Гал хөгжин асах, гэрэл цацрах: гал бадрах (гал дүрэлзэн асах) - Бадарсан галын дээр ус битгий цац, шуурах салхины эсрэг онгоц битгий явуул. ААЗ., оч бадрах (оч асах), *хилэн бадрах (ихэд уурлах) - Энэ явдлаас хойш багштаны уур хилэн нь бадрах болов. Л.Бадарч. Хүжийн гал., хий бадрах [хуучирсан] (ухаан солиорох);

---

2. Ажил үйлс, сэтгэл санаа улам сайжран бүтэх: бадран мандах (хөгжин цэцэглэх) - Эрх чөлөөний туяа бадран мандахын үед тодров. Ч.Лхамсүрэн. Мамий Жукей хоёр., цог заль бадрах (цог золбоо, хийморь сүлд нь ивээх) - Нүүр царай гялбаж, цог заль бадарна. Д.Нацагдорж. Зохиолууд., цэцэглэн бадрах (цэцэглэн хөгжих), хөгжин бадрах (хөгжин дэлгэрэх, өөдлөх).