1. Хадаас зэрэг зүйлийг цохин шааж бэхлэх: мод хадах (модыг хадаасаар бэхлэн тогтоох), банз хадах (банз бэхлэх), гутал хадах (гутлын ул бэхлэх);

---

2. [шилжсэн] Тээглэж үлдэх, шааж хоцрох: хоолойд яс хадах (хоолойд яс тээглэх);

---

3. [шилжсэн] Оёж бэхлэх: Биеэр өндөр биш боловч дөрвөлжин чээжтэй, инээд гэрэлтсэн зөөлөн харцтай, заханд нь цагаан даавуу хадсан сургуулийн ногоон даалимбан дээлэн дээр мөрөвчтэй суран бүс бүсэлж явдаг хүн байв. Ч.Лодойдамба. Түүвэр зохиол; бүч хадах (бүч оёж бэхлэх), товч хадах (товч оёж торгоох)-Орны хөл тушаа суун дээлийн минь суганы товчийг хадах зуураа өгүүлэв. Д.Батбаяр. Амрагийн тэнгэр;

---

4. [шилжсэн] Бичсэн үсгийн хажууд холбогдох бусад мэдээллийг орчуулж бичих: орчуулга хадах (бичвэрийн ард бусад хэлээрх орчуулгыг байрлуулах), үгчлэн хадах (үг нэг бүрийн ард нь орчуулж бичих);

---

5. [шилжсэн] Сэтгэл санаанд мөнхрөх: санаанд хадах (санаанаас үл гарах, огт үл мартагдах);

---

6. [шилжсэн] Ялтан хүнийг цээрлүүлэн алах хуучны нэгэн арга.