1. Хагарсан юм - Тэр тээрмийн хагархай чулуу чинь хэзээний миний танил чулуу шүү дээ. Д.Мягмар. Уянгын туужууд., хагархай ваар (хагарсан, бүтэн бус ваар), хагархай цонх (шил нь хагарч цуурсан цонх), *хагархай хэнгэрэг шиг (дуулсан, сонссоноо эрээ цээргүй ярих, чалчих, ам султай байх, зөв буруугаа мэдэхгүй чалчих) - Хэлүүштэй хүний дэргэд хэл амаа цоожилдгоос хойш майхандаа чи хагархай хэнгэрэг шиг битгий пар дар гээд байгаарай. Л.Цэдэв. Юуны хүү болдог бол;

---

2. Бүтэн юмнаас хагарч унасан хэлтэрхий, өөдөс - Айлын буудал дээрээс олж ирсэн шаазан шавар ваарын хагархайнуудаар тоглон сууна. Б.Догмид. Цэнхэрлэн харагдана., шаазангийн хагархай (хагарсан шаазангийн хэлтэрхий), толины хагархай (хагарсан толины хэлтэрхий);

---

3. Урагдсан, хагалсан, ангархай ам, нүхтэй: хагархай өмд (бага хүүхдэд өмсгөх онгорхой салтаатай өмд); хагархай цоорхой [хоршоо] (урагдсан, салбарсан хэсэг) - Миний хагархай цоорхойг хатгаж нөхөж өгөв. Б.Бааст. Алтайн цэцэг., хагархай боловч гэртэй, халтай боловч ханьтай [зүйр цэцэн үг] (муу боловч юм юмтай гэсэн санаа), хагархайгаа хатгасан нь уран, хойдохоо бодсон нь цэцэн [зүйр цэцэн үг] (үйл хэрэг, ухаан бодлоор нь хүнийг таньж болно гэсэн санаа), хагархай хушга [ургамал] (хушганы модонд ургах, хушганы адил боловч багахан урт, хальс зузаан, цөмөө цөөн нэг зүйлийн самар).