Мал, гөрөөс зэрэг амьтны айн цочиж ширвээтэх ба буруулан зугтаах: морь үргэх (морь цочсоноос огло харайх) - Буурал морь нь ташуур мод гозойлгохтой зэрэг далдирч үргэх ийм зантай болжээ. Ц.Дамдинсүрэн. Түүвэр зохиол., *үргэсэн гөрөөс шиг (айсан дүр байдалтай), айсан хүн адуу үргээнэ [зүйр цэцэн үг] (айсан хүнээс ямар ч ааш аяг гарч болно гэсэн санаа), үргэсэн моринд ташуур олон, өнчин хүүхэнд эзэн олон [зүйр цэцэн үг] (ядуу хүний зовлон их, ядуу хүнийг дарлах хүн олон гэсэн санаа).