Үнэр бүхий - Үнэрт цай болон эхүүн ногоо ханхлан халуун ханз дороос төөнөж Магсаржавын бие нозоорно. С.Удвал. Их хувь заяа., үнэрт мод (анхилам үнэртэй мод), үнэрт ус (анхилам үнэртэй гоо сайхны бүтээгдэхүүн, үнэртэй ус), үнэрт ногоо [ургамал] (иш нь хурц анхилам үнэртэй, өдлөг нийлмэл навч нь цуварч ургадаг, цагаан өнгийн цэцэгтэй, бөөрөнхий үр жимстэй нэг наст өвс, эмд бас орно, чинцай), үнэрт мөөг [ургамал] (туулайн бөөр зэрэг модонд ургадаг, харавтар хүрэн малгайтай, иш цагаан буурал өнгөтэй сайхан амттай мөөг).